෴ බට වැනුම ෴

01.

දුම්කොළ පුරවලා තිබෙනා බටයක්ය

එහි අග තියෙනවා පෙරෙන්න ෆිල්ටරය 

බොන කල කර වෙලා ගිහිල්ල ඉහ මොළය

දෙන්නේ අපට සුර ලොව ඇති ආතල් ය... 

02.

ගෝල් ලිෆ් විසි අටකි ඩන්හිල් තිස් පහකි 

මල්බොරෝ, කඩේ මිලදී ගන්නට නොහැකි
බීඩි වගේ නොව මේ බට උරතහැකි

හැබැයි මලක ඇති සුව නම් නැති සෙයකි....

03.

බ්‍රෑන්ඩ් එක අනුව සැර විවිධත්වෙන් යුතුය
මින්ට් එක තිබුනොතින් දැනෙන්නේ සිහිලසය
කැටයම් දමාලා දෙන මේ දුම්කොළ ය
උරමුකො හැඩට පිටකරලා දුම්ගුලිය... 

04.

අරක්කු බියර් තොල ගානා වෙලාවට
බටයක් හෙමි හෙමින් පපුවට උරනවිට
වෙරි තියෙනවා නේ නොබැසම එක දිගට
එබැවින් බොමුය බටයක් ඒ වෙලාවට

05.

තනිකම සීතල මකන්න දිව ඔසුවක්ය
දුක හිතෙනා විට බොන්නට කදිම දෙයක්ය
එහෙම කියල හේතු හදා ගෙන  බොන්නෙමුය
බොන්නේ නොමැති නම් ආතල් නෑ බොට, සොරි ය

06.

හිතේ තියෙන ප්‍රශ්න ගොඩක් අමතක වෙන්න 

ඇඟට පතට දැනෙන වෙහෙස නිවා දමන්න 

පුරුදු වුනොත් දුම් අරගෙන පපුව නිවන්න 

අවුලක් නෑ  හැකිවනු ඇත සතුටින් ඉන්න  

07.

දුම් ඇද්දම පෙනහළු පිළිකා එනවා  

ඒබව නොදන්නේ නැති මුත් තවබොනවා
බිව්වත් නැතත් මරණය කාටත් එනවා
එබැවින් ඒවා නොහිතාලා අපි බොනවා ....

අවසාන වශයෙන්....

මේ ලෙස ගහන බයිලා පිලි ගන්න එපා
කිසිදා නුඹේ දිවියට දුම ගන්න එපා
උණුහුම සතුට ඝන දුමකින් සොයනු එපා
දැන දැන වලේ වැටිලා දුක් විඳිනු එපා....