Saturday, December 22, 2012

සිතූ ගෙන් උගත් පාඩම...



ඒත් බලය ලැබුනම
මිනිස්සු වෙනස් වෙනවලු නේ??

අපි අතරෙන් කෙනෙක් ආවොත්
මේ වගේ වෙයි කියල හිතනවද ??

දැන් ඉන්න කෙනත් ආවේ
අපි අතරේ ඉඳලා නේද??

ප.ලි
සෑහෙන්න සිතුවෙමි..
පොඩි ළමයා  වුනත්, කී කතාව ඇත්ත ය...
දීමට උත්තර නැත...

Thursday, December 13, 2012

අපට අපි අමතක ය...(ද ???)



භය හිතේ රජ කරන මහ පුදුම කාලයකි...
අපි අතරමං කරලා හමා යන  මීදුමකි ...

ලෙඩ වෙලා අහස් ගැබ වේලිලා හුස්ම පොද 

හෙවනැලි ද අප අතැර පලා යන හැටි බලන් !!

පංච ඉන්ද්‍රියයෝ අපෙ...මරලාද මැරිලාද ??
කශේරුව කැබලි වී ගැලුවේ සුදු  ලේ නේද ??....

හඬ නගා අසන්නෙමු නුඹ කොහිද , නුඹ කොහිද ??

අපව ගලවා ගන්න , නුඹ එන්නේ කවදා ද ??

නුඹ ඉතින් අපි අතර සිටින බව නොමදකින
ඇස් පේන මේ අපිම කොයිතරම් අන්ධයිද??


"නුඹ" ඒවි යැයි හිතන  "අපට අපි අමතක ය"

Monday, October 8, 2012

කටුසු බබා සහ දෙමලිච්චා....

එක දවසක් හැන්දෑවක
ඉර බැහැගෙන යන ජාමෙක
එලියට ගොස් ඇවිදින්නට
මේ මට හිතුනා....

වත්ත වටේ ඇවිදිනකොට
පුංචි සද්දයක් ඇහුනා
ඒ මොකද්ද බොලේ හිතලා
බලන්නට ගියා..






සද්දේ ඇහෙන පැත්ත බලා
හොර පූසෙකු වගේ වෙලා
අඩි සද්දේ නෑහෙන ලෙස
මම පිය නැගුවා...

කොහෙන්ද මේ සද්දේ එන්නේ
හොයා ගන්න අමාරුයිනේ
රතුමල් ගහ අස්සෙන්දෝ
මට සැක හිතුනා...



මගේ සැකය හරියට හරි
ගහ යට කොළ රොඩු අතරේ 
කටුස්සෙකුයි කුරුල්ලෙකුයි
වලියක් යනවා...

මේ වලියක් නෙවේ නේද 
චූටි තෙලක් වගේ නේද
ලංවීලා බලන කලට
මෙමට තේරුණා.....

කටුස්සාව වාඩි කරන්
දෙමලිච්චෙක් තෙල් ගහනවා
බලන් ඉන්න ආස හිතෙන
ආතල් දසුනක්....




මේ වාගේ නියං කාලෙ
බඩගිනි ජය ගන්නා හැටි
දෙමලිච්චා කටුස්සාට
කියලා දෙනවා...

දෙමලිච්චා හරිම හොඳයි
කටුස්සාට උදව් කරයි
එහෙම හිතපු මම දැක්කේ
හරි පුදුම දෙයක්...

වේලුන කොළ රොඩු අතරේ
දෙමලිච්චව පේන්නේ නෑ
කටුස්සාට හොරාට ඌ
කෑම බුදිනවා....

කාපු තෙලේ බලේ නිසා
මනෝ ගහල කොයිල් වෙලා
රතුමල් අතරේ කටුස්සා
වැතිරී හිටියා...

කෑම තිබූන මුත් වටපිට
කටුසු බබා දැක්කේ නෑ...
බඩගිනි පරදන්න හිතෙන්
සටන් කරනවා...






කොහේදෝ යන උකුසු රජෙක්
එකපාරට පහත් වෙලා
කටුසු බබා උස්සාගෙන
අහසට නැග්ගා....

දෙමලිච්චත් හිනා වෙලා..
කොලරොඩු අතරේම ඉඳල
තවත් ටිකක් කෑම කාල
ඉගිලිලා ගියා........ (උකුස්සටත් අත වනලා...)

දෙමලිච්චත් ඇත සතුටෙන්
උකුසු රජත් ඇත සතුටෙන්
මටත් ඕව ගානක් නෑ
මම ගෙදර ගියා.....


Friday, September 21, 2012

අරගලය like කර share කරමු...





උඹටත් තිබුනා නම්
fb profile එකක්
උඹත්
ගෙදරට වෙලා ඉඳගෙන
අරගලයට like කරලා
share කරාවි නේද මල්ලි ....

අරගලය ගැන
අපේ එවුන්ටවත් නැති
"සංවේදීකමක්"
උඹට තියෙන එක ගැන
අපට මාර සතුටුයි මල්ලි...

අරගල වලට අපේ උන්ට
ගෙවල් වලින්
එන්න දෙන්නේ නෑ ලු
එහෙනම් උඹ ආවේ
ගෙදරට හොරා වෙන්න ඇති
නේද මල්ලි...

නැත්තන්

සමහර විට
උඹලගේ ගෙදර අයත්
අපේ ගෙවල් වල අය වගේ
"jvp කාරයෝ"
වෙන්න ඇති නේද මල්ලි....